టాలీవుడ్లో ఎప్పటినుంచో హాట్ టాపిక్గా మారిన రష్మిక మందానా–విజయ్ దేవరకొండ రిలేషన్షిప్కి ఇప్పుడు అధికారిక ముద్ర పడింది. ఎంతకాలంగా రూమర్స్, ఊహాగానాలు కొనసాగుతున్నా ఎప్పుడూ మౌనం వహించిన ఈ జంట ఎట్టకేలకు ఒక్కటయ్యారు. అవును, ఈరోజు రష్మిక-విజయ్ సైలెంట్గా నిశ్చితార్థం చేసుకున్నారు. దీంతో ఇన్నాళ్లుగా అభిమానులు ఎదురుచూస్తున్న క్షణం రాబట్టారు.
Table of Contents
కుటుంబ సభ్యుల మధ్యే సింపుల్ ఎంగేజ్మెంట్
ఈ ఎంగేజ్మెంట్ వేడుక హైదరాబాద్లోని విజయ్ దేవరకొండ ఇంట్లోనే చాలా సైలెంట్గా జరిగింది. ఎటువంటి మీడియా హంగామా లేకుండా, ఇరు కుటుంబాల పెద్దలు, సన్నిహిత బంధువులు మాత్రమే హాజరయ్యారు. ఫంక్షన్లో కేవలం కొద్దిమందే పాల్గొనడం స్పెషల్గా మారింది. ఇలా చాలా ప్రైవేట్గా వేడుక జరగడం ఇప్పుడు నెట్లో హాట్ న్యూస్గా మారింది.
పెళ్లి కూడా ఆ నెలలోనే అని తెలుస్తుంది..?
రష్మిక, విజయ్ల పెళ్లి గురించి కూడా కొన్ని ఆసక్తికర విషయాలు బయటకు వస్తున్నాయి. ఇండస్ట్రీ టాక్ ప్రకారం వచ్చే ఏడాది ఫిబ్రవరిలో వీరి పెళ్లి జరుగనుందట. అంతేకాదు, ఓ ఫేమస్ వెడ్డింగ్ డెస్టినేషన్లో చాలా గ్రాండ్గా ఫంక్షన్ ప్లాన్ చేస్తున్నారని సమాచారం. ఇప్పటికే ఇరు కుటుంబాలు ప్లానింగ్లో బిజీగా ఉన్నట్లు టాక్.
గీత గోవిందం నుంచి ప్రేమకథ మొదలైంది
హీరోయిన్ రష్మిక మందానా, హీరో విజయ్ దేవరకొండ తొలిసారి కలిసి నటించిన సినిమా ‘గీత గోవిందం’. ఈ సినిమా బాక్సాఫీస్ వద్ద బ్లాక్బస్టర్ హిట్గా నిలిచింది. ఆ తర్వాత వీరిద్దరు మరోసారి ‘డియర్ కామ్రేడ్’ సినిమాలో జోడీ కట్టారు. సినిమా పెద్దగా హిట్ కాలేదు కానీ, విజయ్-రష్మిక కెమిస్ట్రీ మాత్రం అదిరిపోయిందని అందరూ అప్పట్లో కామెంట్ చేశారు. స్క్రీన్ మీద ముద్దు సన్నివేశాల్లో వీరి ప్యాషన్ స్పెషల్ హైలైట్గా మారింది.
రూమర్స్ కి ఎట్టకేలకు పాజిటివ్ క్లారిటీ
సినిమాల తర్వాత వీరిద్దరూ కలిసి స్క్రీన్పై కనిపించకపోయినా, తెర వెనక మాత్రం ఫ్యాన్స్కు సర్ప్రైజ్ ఇచ్చారు. ముంబై ఎయిర్పోర్ట్లో ఒకరి తర్వాత మరొకరు కనిపించడం అదే సమయంలో మాల్దీవులలో హాలిడేలో వేర్వేరుగా దర్శనం ఇవ్వడం… ఇలా అనేక ఇన్సిడెంట్స్ వీరి డేటింగ్ రూమర్స్కి మరింత బలం చేకూర్చాయి. సోషల్ మీడియాలో ఈ లవ్ బర్డ్స్ గురించి డిస్కషన్ రోజూ హాట్ టాపిక్గా మారేది. చివరికి అన్ని ఊహాగానాలకు ముగింపు పలుకుతూ నిశ్చితార్థంతో తమ బంధాన్ని అధికారికం చేసుకున్నారు.
అభిమానుల ఆనందం పీక్లో
ఈ జంట నిశ్చితార్థం అయ్యిందని వార్త బయటకు రావడంతో సోషల్ మీడియా అంతా శుభాకాంక్షలతో నిండిపోయింది. #VijayRashmikaEngaged అనే హ్యాష్ట్యాగ్ ఇప్పటికే ట్రెండింగ్లోకి ఎక్కేసింది. ఫ్యాన్స్ మాత్రమే కాదు, సినీ ఇండస్ట్రీలోని పలువురు సెలబ్రిటీలు కూడా వీరికి సోషల్ మీడియా ద్వారా విషెస్ చెబుతున్నారు.
ఇక పెళ్లి కోసం కౌంట్డౌన్
ఇప్పుడు అందరి కళ్లూ రష్మిక-విజయ్ పెళ్లిపైనే ఉన్నాయి. ఫిబ్రవరిలో జరిగే ఈ మ్యారేజ్ టాలీవుడ్లోనే కాకుండా దేశవ్యాప్తంగా హాట్ టాపిక్ అవుతుందనే సందేహం లేదు. ఎందుకంటే, రష్మికకు నేషనల్ క్రేజ్ ఉండగా, విజయ్ దేవరకొండకు యూత్లో మాస్ following ఉంది. కాబట్టి వీరి పెళ్లి ఖచ్చితంగా పెద్ద సంబరంగానే మారనుంది.
ఫైనల్గా:
ఎన్నాళ్లనుంచో టాలీవుడ్ ఫ్యాన్స్ ఎదురుచూస్తున్న విషయం ఎట్టకేలకు నిజమైంది. రష్మిక-విజయ్ సైలెంట్గా ఎంగేజ్మెంట్ చేసుకున్నారు. ఇక ఫిబ్రవరిలో వీరి పెళ్లి వైభవంగా జరగబోతోందనే వార్త ఫ్యాన్స్లో పండగ వాతావరణం తీసుకొచ్చింది.
