మహీంద్రా కంపెనీ తన సూపర్ పాపులర్ SUV బోలెరోని కొత్త లుక్లో మార్కెట్లోకి తీసుకొచ్చింది. 2025 ఎడిషన్ బోలెరో ఇప్పుడు మరింత స్టైలిష్గా, ఫీచర్లతో నిండిపోయి ఉంది. కంపెనీ దీని ప్రారంభ ధరను ₹7.99 లక్షలు (ఎక్స్షోరూమ్)గా ప్రకటించింది. కొత్త బోలెరోలో బయట లుక్కి చిన్న మార్పులు చేయడంతో పాటు, ఇంటీరియర్లో కూడా కొన్ని అప్డేట్లు తీసుకొచ్చారు. అయితే ఇంజిన్ మెకానికల్ సెటప్ మాత్రం పాతదే.
ఈ కొత్త బోలెరోలో ఏ వేరియంట్లో ఏమేమి ఫీచర్లు ఉన్నాయో చూద్దాం.
2025 Mahindra Bolero: ఇంజిన్ స్పెక్స్
కొత్త బోలెరోలో పాత మోడల్కి ఉన్నదే 1.5 లీటర్, 3 సిలిండర్ టర్బో డీజిల్ ఇంజిన్ అందిస్తున్నారు. ఇది 5 స్పీడ్ మాన్యువల్ గేర్బాక్స్తో వస్తుంది. ఈ ఇంజిన్ 76 హార్స్పవర్ పవర్ మరియు 210 Nm టార్క్ ఉత్పత్తి చేస్తుంది.
పెర్ఫార్మెన్స్ విషయంలో బోలెరోకు ఎలాంటి మార్పులు లేకపోయినా, డ్రైవింగ్ కంఫర్ట్ను మెరుగుపరిచే టెక్నాలజీని ఈసారి కంపెనీ ఇచ్చింది.
2025 మహీంద్రా బోలెరో వేరియంట్లు & ధరలు
Mahindra Bolero B4 – ₹7.99 లక్షలు (Ex-Showroom)
ఇది బోలెరో యొక్క బేస్ వేరియంట్ అయినా, మంచి ఫీచర్లతో వస్తోంది.
ఈ వేరియంట్లో ఉన్న ముఖ్య ఫీచర్లు ఇలా ఉన్నాయి:
- కొత్త ఫ్రంట్ గ్రిల్
- కొత్త స్టెల్త్ బ్లాక్ కలర్ ఆప్షన్
- ఎంహాన్స్డ్ సీట్ కంఫర్ట్
- RideFlo Tech
- యాంటీ-లాక్ బ్రేకింగ్ సిస్టమ్ (ABS)
- డ్రైవర్ మరియు కో-డ్రైవర్ ఎయిర్బ్యాగ్స్
- రివర్స్ పార్కింగ్ సెన్సార్
- ఇంజిన్ స్టార్ట్-స్టాప్ (మైక్రో హైబ్రిడ్ టెక్)
- డిజిటల్ ఇన్స్ట్రుమెంట్ క్లస్టర్
- ఫోల్డబుల్ థర్డ్ రో సీటింగ్
ఈ వేరియంట్ ప్రధానంగా సేఫ్టీ మరియు కంఫర్ట్పై ఫోకస్ చేసింది.
Mahindra Bolero B6 – ₹8.95 లక్షలు (Ex-Showroom)
ఈ వేరియంట్లో B4 కంటే అదనంగా కొన్ని ఆధునిక ఫీచర్లు లభిస్తాయి.
ప్రధాన అప్గ్రేడ్స్ ఇవి:
- దీప్-సిల్వర్ వీల్ క్యాప్స్
- 17.8 సెం.మీ టచ్స్క్రీన్ ఇన్ఫోటైన్మెంట్ సిస్టమ్
- USB-C టైప్ చార్జింగ్ పోర్ట్
- స్టీరింగ్ మౌంటెడ్ కంట్రోల్స్
- డోర్ ట్రిమ్స్లో బాటిల్ హోల్డర్
ఈ వేరియంట్ ఫ్యామిలీ యూజర్స్కి బాగా నచ్చేలా డిజైన్ చేయబడింది.
Mahindra Bolero B6 (O) – ₹9.09 లక్షలు (Ex-Showroom)
ఇది బోలెరో యొక్క ప్రీమియం మిడ్ రేంజ్ వేరియంట్. B6 కంటే కొన్ని అదనపు సౌకర్యాలు ఉన్నాయి:
- రియర్ వాషర్ మరియు వైపర్
- కార్నరింగ్ లైట్స్
- డ్రైవర్ ఇన్ఫోటైన్మెంట్ సిస్టమ్
- ఫాగ్ ల్యాంప్స్
ఈ వేరియంట్ సిటీ డ్రైవింగ్కి మరియు రాత్రి ట్రావెల్స్కి చాలా సేఫ్ ఆప్షన్గా ఉంటుంది.
Mahindra Bolero B8 – ₹9.69 లక్షలు (Ex-Showroom)
ఇదే కొత్తగా జోడించిన టాప్-ఎండ్ వేరియంట్. బోలెరో లైన్అప్లో ఇది హైలైట్గా నిలుస్తుంది.
B6(O) కంటే ఇందులో మరిన్ని ప్రీమియం ఫీచర్లు ఉన్నాయి:
- డైమండ్ కట్ అల్లాయ్ వీల్స్
- స్టాటిక్ బెండింగ్ హెడ్ల్యాంప్స్
- లెదరెట్ అప్హోల్స్టరీ
ఈ వేరియంట్ స్పోర్టీ లుక్, లగ్జరీ ఫీల్ రెండింటినీ కలిపి అందిస్తోంది.
మొత్తంగా చూస్తే…
2025 బోలెరో లుక్కి చిన్న మార్పులే వచ్చినా, కొత్త కలర్ ఆప్షన్, స్మార్ట్ ఫీచర్లు, మరియు కంఫర్ట్ టెక్నాలజీ వల్ల SUV లవర్స్కి ఇది మరోసారి అట్రాక్షన్గా మారింది.
బోలెరో ఎప్పటిలాగే రగ్డ్ డిజైన్, దృఢమైన బాడీ, మరియు ట్రస్టెడ్ పనితీరుతో గ్రామీణ ప్రాంతాల నుంచి పట్టణాల వరకు బాగా పాపులర్గా ఉంది. ఇప్పుడు కొత్త వేరియంట్లు రాకతో మరింత బలమైన పోటీని సృష్టించబోతోంది.
